Ndërlidhjet

Vetëvendosje del me propozime për Demarkacionin


Kryetari i Lëvizjes Vetëvendosjes, Visar Ymeri
Kryetari i Lëvizjes Vetëvendosjes, Visar Ymeri

Lëvizja Vetëvendosje ka prezantuar planin e saj pesë pikësh, si propozim për shënjimin e vijës kufitare me Malin e Zi. Propozimi i këtij plani, sipas Vetëvendosjes, vjen si rrjedhojë e nevojës për anulimin e marrëveshjes aktuale me Malin e Zi.

Kryetari i Vetëvendosjes, Visar Ymeri tha se marrëveshja aktuale është e pasaktë dhe e padrejtë.

Sipas tij, “marrëveshja për Demarkacion me Malin e Zi duhet të shqyrtohet me themel” dhe ajo të jetë në përputhje me rregullat e së Drejtës Ndërkombëtare Publike, me parimin e integritetit territorial të Kosovës dhe me parimin e fqinjësisë së mirë.

Hapi tjetër sipas Ymerit, është që Kuvendi i Kosovës ta themeloj “një komision gjithëpartiak e mbipartiak i cili do t’i trajtojë modalitetet juridike të një rishikimi të tillë”.

Ai i ka propozuar kryeministrit të Kosovës që “të kërkojë nga homologu i tij malazias rinegocimin rreth shënjimit të kufirit”, si dhe të zotohet para institucioneve të Bashkimit Evropian “për një zgjidhje të drejtë të shënjimit të kufirit me Malin e Zi”.

Gjithashtu, Ymeri ka theksuar se nevojitet “një konferencë shkencore ndërkombëtare në Prishtinë mbi çështjet e demarkacionit të kufirit” ku do të ishin të ftuar “profesionistë e ekspertë të vendit e të huaj”.

Ymeri ka thënë se Kosova duhet ta ketë të demarkuar kufirin me Malin e Zi, por vetëm mbi bazën e një marrëveshje të drejtë.

XS
SM
MD
LG