Ndërlidhjet

McCain përkrahë sanksione “gjithpërfshirëse” kundër Rusisë

  • RFE /RL

Një zyrtar i lartë republikan në Senat, ka thënë se ai do iu bashkohet demokratëve për të miratuar sanksione “gjithpërfshirëse” ndaj Rusisë për shkak të ndërhyrjes së saj në zgjedhjet presidenciale të vitit të kaluar.

Rusia akuzohet nga të gjitha agjencitë e inteligjencës në SHBA se përmes sulmeve kibernetike ka ndërhyrë në zgjedhjet amerikane me qëllim që të ndihmohet kandidati republikan Donald Trump të fitojë zgjedhjet presidenciale.

John McCain, udhëheqësi republikan i Komisionit të Senatit për Shërbimet e Armatosura, ka thënë mbrëmë se ai do bëhet bashkë me senatorët demokratë, Ben Cardin, dhe Robert Menendez, në paraqitjen e legjislacionit të ri.

Senatorët nuk e kanë sqaruar se çfarë nënkupton “gjithpërfshirëse”, por ata kanë thënë se sanksionet e reja do të shkojnë përtej sanksioneve aktuale ndaj diplomatëve rusë dhe agjencive të inteligjencës që javën e kaluar janë ndërmarrë nga Shtëpia e Bardhë.

McCain, i cili sulmet kibernetike ruse ndaj zgjedhjeve i ka quajtur “një sulm i papresedan në demokracinë tonë”, derisa ishte në vizitë në disa vende të Evropës Lindore së bashku me senatorin republikan, Lindsey Graham.

Pas kësaj vizite, Graham ka thënë se ai dhe McCain “do të kërkojnë sanksione që… do godasin rusët në sektorin financiar dhe atë të energjisë, aty ku ata janë më të dobët”.

Cardin në anën tjetër, i cili është zyrtari më i lartë demokrat në Komisionin e Senatit për Marrëdhënie me Jashtë, dhe demokratë të tjerë në Kongres, gjithashtu po bëjnë presion për themelimin e një komisioni të pavarur që do të hetonte sulmet kibernetike ruse ndaj institucioneve të demokratëve dhe lidërve të partisë gjatë garës zgjedhore në mes të demokrates, Hillary Clinton dhe republikanit, Donald Trump.

Megjithatë, asnjë republikan nuk e ka përkrahur këtë propozim. Republikanët momentalisht kontrollojnë të dy dhomat e Kongresit. (REL)

Përgatiti: Artan Haraçia
XS
SM
MD
LG