Ndërlidhjet

Irak: Nga sulmet me makinë-bombë në Bagdad së paku 20 të vrarë


Pamje e sotme e një shitoreje të akulloreve në lagjen Karrada në Bagdad, pas sulmit të mbrëmshëm me makinë - bombë

Nga dy sulme me makina-bombë janë vrarë së paku 20 vetë dhe plagosur afro 80 të tjerë, në kryeqytetin Bagdad në Irak, kanë thënë zyrtarët.

Grupi ekstremistë, Shteti Islmaik (IS), e ka marrë përgjegjësinë për sulmin e parë që ka ndodhur pas mesnatës, me ç’rast u vranë 13 vetë dhe u plagosën më se 40 të tjerë, në rajonin komercial Karrada në Bagdad.

Eksplodimi i dytë ndodhi disa orë më vonë, me ç’rast u vranë 7 vetë dhe u plagosën 38 të tjerë, afër një zyre qeveritare në lagjen Karkh.

Për këtë sulm askush nuk e ka marrë përgjegjësinë.

Sulmet ndodhën pak ditë pasi ka filluar muaji i shenjtë mysliman, Ramazani, gjatë të cilit irakianët zakonisht qëndrojnë deri vonë në mbrëmje, për blerje dhe shoqërim, pas iftarit.

XS
SM
MD
LG