Ndërlidhjet

Mustafa: Selia e Traktatit të transportit ballkanik të jetë në Kosovë


Liderët evropian dhe ata të Ballkanit në Samitin e Triestes

Kryeministri në detyrë i Kosovës, Isa Mustafa, ka propozuar që Traktati i Komunitetit të Transportit për vendet e Ballkanit Perëndimor, i nënshkruar të mërkurën në tristë të Italisë, ta ketë selinë në Kosovë.

“Deri më tani nuk kemi arritur që të kemi asnjë seli të programeve të cilat i kemi realizuar bashkërisht në suaza të bashkëpunimit tonë me vendet e Ballkanit Perëndimor”, ka thënë Mustafa duke arsyetuar propozimin e tij.

Kryeministri Mustafa dhe kryeministrat e vendeve të Ballkanit Perëndimor, në praninë e liderëve të Bashkimit Evropian kanë nënshkruar Traktatin e Komunitetit të Transportit, marrëveshje kjo e cilësuar me rëndësi për thellimin e bashkëpunimit ndërmjet vendeve të rajonit si dhe në raport me BE-në dhe shtetet e saj.

Në takimin qendror ku Republika e Kosovës përfaqësohej nga kryeministri Isa Mustafa, ishin të pranishëm edhe kryeministri i Italisë, njëkohësisht organizatori i Samitit, Paolo Gentiloni, kancelarja gjermane Angela Merkel, presidenti i Francës, Emmanuel Macron, sekretari i shtetit për Punë të Jashtme të Britanisë së Madhe, Boris Johnson, si dhe përfaqësuesja e lartë e BE-së, Federica Mogherini e personalitete tjera.

Para të pranishmëve, kryeministri Mustafa fillimisht foli për rëndësinë e kësaj iniciative e cila ka krijuar një perspektivë të rëndësishme të bashkëpunimit dhe të komunikimit ndërmjet vendeve të Ballkanit Perëndimor.

"Unë shpresoj shumë që ky bashkëpunim do të na përgatis në rrugën e integrimit tonë në Bashkimin Evropian, dhe nuk e shoh në asnjë rast si formë të zëvendësimit të përkohshëm të kësaj rruge tonë", tha kryeministri.

Kryeministri Mustafa më tej theksoi të arriturat dhe zhvillimet aktuale në Kosovë.

XS
SM
MD
LG