Ndërlidhjet

Haradinaj: Nuk ka informata zyrtare se Rikalo ka keqtrajtuar qytetarët


Ramush Haradinaj

Kryeministri i Kosovës, Ramush Haradinaj, përmes një deklarate për media, ka sqaruar pozicionin e tij karshi ministrit të Bujqësisë, Nenad Rikalo i cili i përket Listës Serbe, i përfolur në mediat lokale për përfshirje në keqtrajtimin e qytetarëve të Prishtinës gjatë periudhës së vitit 1999.

“Menjëherë pas kësaj, përmes kanaleve zyrtare dhe me shkrim, kam kërkuar informata nga Prokuroria e Shtetit, Agjencia e Kosovës për Inteligjencë (AKI) dhe Policia e Kosovës lidhur me pretendimet e qytetarëve për përfshirjen e tij në aktivitetet e përmendura më sipër”, thuhet në deklaratën e Haradinajt.

“Nga përgjigjet që kam marrë, në rrugë zyrtare, nga këto tri institucione të shtetit, nuk ka asnjë të dhënë se ai ka qenë i përfshirë në veprimet e tilla”, vijon deklarata.

“Si kryeministër i vendit, dua të siguroj qytetarët e Kosovës, se jo vetëm në këtë rast por edhe në çfarëdo situate të ngjashme, do të veproj sipas ligjit dhe përgjegjësive që kam”, thuhet në këtë deklaratë.

XS
SM
MD
LG