Ndërlidhjet

SHBA: Dhjetëra të arrestuar pas protestave triditëshe


Pamje nga ndërhyrjet e policisë gjatë protestave në Sent Luis

Policia speciale në Shtetet e Bashkuara i ka arrestuar dhjetëra persona, pas ditës së tretë të protestave në qytetin Sent Luis në Shtetet e Bashkuara, për shkak të lirimit të ish-policit, i cili e ka vrarë një person zezak.

Demonstrata e djeshme filloi në mënyrë paqësore, por disa pjesëmarrës, që kishin mbetur pasi shumica e protestuesve të tjerë ishin larguar, kishin filluar t’i thenin dritaret dhe dëmtonin makinat.

Këto protesta filluan, pasi para tri ditësh, një gjyqtar vendosi që personi, Jason Stockley, i cili para tri vitesh ishte larguar nga policia në Sent Luis, nuk ishte fajtor për vrasjen e personit, Anthony Lamar Smith, në vitin 2011.

Ish-polici Stokley e kishte qëlluar pesë herë Smithin me armë gjatë një ndjekjeje me shpejtësi të madhe për shkak të dyshimeve për drogë.

Kamera në automobilin e policisë e ka xhiruar zotin Stokley duke thënë, pak kohë para të shtënave, se ai do “ta vrante” Smithin.

Prokurorët thanë se Stockley e kishte lënë armën në automobilin e të ndjerit Smith pas të shtënave.

XS
SM
MD
LG