Ndërlidhjet

BE-ja kundërshton projektin rus të gazit në Gjermani


Presidenti i Komisionit Evropian, Jean-Claude Juncker.
Presidenti i Komisionit Evropian, Jean-Claude Juncker.

Disa udhëheqës të Bashkimit Evropian kanë kundërshtuar planin e Rusisë për të ndërtuar një tubacion të gazit në Gjermani, gjatë diskutimeve në një samit në Bruksel.

Presidenti i Komisionit Evropian, Jean-Claude Juncker, tha se blloku ishte i ndarë në këtë çështje dhe nuk ndërmori asnjë veprim.

Diplomatët e BE-së thanë se krerët e Polonisë, Lituanisë, Danimarkës dhe Letonisë, kanë ngritur shqetësimet e tyre rreth tubacionit “Nord Stream 2”,i cili parashikohet të kalojë nga Rusia në Gjermani përmes Detit Baltik.

Vendet e Europës Lindore dhe të Detit Baltik kanë shprehur shqetësimin se projekti do të forconte shtrirjen e Moskës duke rritur mbështetjen evropiane në gazin natyror rus.

Ndërkohë, vendet nordike kanë ngritur shqetësime për sigurinë lidhur me vendosjen e tubacionit pranë brigjeve të tyre nën baltikun, ku Rusia ka forcuar praninë e saj ushtarake.

Debati i BE-së mbi projektin diskutabil erdhi pasi presidenti rus, Vladimir Putin, u ankua për sanksionet e miratuara kohët e fundit nga SHBA, të cilat kërkojnë ndëshkime për kompanitë evropiane që marrin pjesë në projektn “Nord Stream 2” dhe projekte të tjera ruse të energjisë në Evropë.

XS
SM
MD
LG