Ndërlidhjet

Tillerson ka marrë pjesë në takimin ndërmjet sauditëve dhe irakianëve


Sekretari Tillerson dje është pritur nga Mbreti Salman

Sekretari amerikan i shtetit, Rex Tillerson, ka marrë pjesë në një takim ndërmjet Arabisë Saudite dhe Irakut, që synon përmirësimin e raporteve ndërmjet dy vendeve, pas disa viteve të tensioneve.

Kryeministri i Irakut, Haidar al-Abadi, dhe Mbreti Salman i Arabisë Saudite, sot e kanë mbajtur një sesion inaugurues të Këshillit koordinues saudito – irakian, që është promovuar nga Shtetet e Bashkuara, në aspektin e kundërshtimit të ndikimit të Iranit në rajon.

Sekretari Tillerson është shprehur se në këtë takim është theksuar “potenciali i madh i raporteve ndërmjet dy vendeve”.

Zoti Tillerson dje ka arritur në Arabinë Saudite, ndërsa gjatë turneut të tij gjashtëditësh e viziton edhe Katarin, Pakistanin dhe Indinë.

XS
SM
MD
LG