Me 62 vota për, e dy kundër e asnjë abstenim, Kuvendi i Kosovës në seancën e së dielës ka miratuar në parim Buxhetin për vitin 2018 me vlerë prej 1 miliard e 829 milionë euro. Në bazë të këtij buxheti parashihet që rritja ekonomike të jetë 4. për qind
Nga vlera e përgjithshme e buxhetit, 687 milionë parashihen për investime kapitale.
Para se ti nënshtrohet votimi, në dy seancat e kaluara ka pasur debate të ashpra dhe mospajtime ndërmjet deputetëve të partive në pushtet dhe atyre të opozitës.
Përderisa pozita pohon se buxheti siguron zhvillim ekonomik dhe mirëqenie sociale, deputetë të opozitës e kanë vlerësuar si buxhet me shifra të fryra dhe jo real.
Sipas parashikimeve të Qeverisë së Kosovës, Administrata Tatimore e Kosovës do të grumbullojë 446 milionë euro, ndërsa Dogana e Kosovës 1 miliard e 175 milionë euro.
