Ndërlidhjet

Astana: Nis raundi i ri i bisedimeve për paqe në Siri


Përfaqësuesit e Qeverisë siriane dhe të opozitës marrin pjesë në bisedimet për paqe në Siri. Astana, 31 tetor, 2017
Përfaqësuesit e Qeverisë siriane dhe të opozitës marrin pjesë në bisedimet për paqe në Siri. Astana, 31 tetor, 2017

Në Astana të Kazakistanit ka nisur raundi i ri i bisedimeve për paqe në Siri. Këto bisedime po sponsorizohen nga Irani, Rusia dhe Turqia.

Ministrja e Jashtme kazake ka thënë se përfaqësuesit e regjimit sirian dhe delegacioni i opozitës siriane, kanë arritur në Astana, ku do të zhvillojnë takime dy-ditore.

Pas bisedimeve me ekipin e Kombeve të Bashkuara, opozita siriane ka thënë se është më e rëndësishme “se kurrë më parë” që Rusia të shtyjë Qeverinë e presidentit sirian, Bashar al-Assad, drejt arritjes së një marrëveshjeje politike.

Në ndërkohë, agjencia shtetërore e lajmeve në Siri, SANA, ka raportuar se delegacioni rus, ka zhvilluar takime të ndara me delegacionet e Iranit dhe Turqisë.

Mbi 330 mijë persona janë vrarë në Siri dhe miliona të tjerë janë detyruar të largohen nga shtëpitë e tyre, që prej se konflikti në Siri nisi në mars të vitit 2011.

Rusia dhe Irani mbështesin Qeverinë e Assadit, ndërkaq Shtetet e Bashkuara dhe Turqia përkrahin grupe të ndryshme rebele.

Bisedimet në Astana janë zhvilluar në mënyrë paralele me bisedimet e paqes në Gjenevë, që sponsorizohen nga OKB-ja.

XS
SM
MD
LG