Ndërlidhjet

Bota mirëpret Vitin e Ri 2018


Pritja e Vitit të Ri në Berlin, Gjermani

Më shumë se një million banorë dhe turistë të Nju Jorkut i kanë rezistuar temepraturës -12 gradë Celsius për të pritur minutat e parë të Vitit të Ri në Times Square.

Pritja e Vitit të Ri 2018, në Nju Jork është listuar si viti i dytë më i ftohtë që është është pritur në Times Square.

Viti më i ftohtë ishte regjistuar më 1917, me temperaturë -17 gradë Celsius.

Njerëzit janë mbledhur për më shumë se 12 orë para nisjes së 2018-tës.

Zyrtarët kanë thënë se këtë vit ka pasur më pak njerëz në rrugë në krahasim me vitet e tjera, duke supozuar se arsye mund të ketë qenë moti i ftohtë.

Masat e sigurisë ishin jashtëzakonisht të mëdha.

Nëpër gjithë botën, është mirëpritur viti 2018 me fishekzjarre, festime në rrugë dhe mënyra të tjera.

Rusia ka festuar më së shumti, bazuar në ndryshimin e 11 zonave kohore me të cilat përballen qytetet në këtë vend.

Presidenti rus, Vladimir Putin u ka bërë thirrje rusëve “të shprehin fjalët më të mira ndaj njëri-tjetrit, të harrojnë gabimet, ta admirojnë dashurinë dhe të kujdesen e të kenë më shumë vëmendje”.

Pavarësisht shiut të pandërprerë, fishekzjarret dhe festimet në ambiente të jashtme, e karakterizuan pritjen e Vitit të Ri në Moskë.

Mijëra persona ishin mbledhur edhe në Berlin tek Porta e Brandenurgut, ndërsa fishekzjarre kishte edhe në Arc De Triomphe të Parisit në Francë.

Forcat e sigurisë ishin në masë tejet të shtuar në Francë, pas sulmeve terroriste gjatë dy viteve të fundit në këtë shtet.

Në Londër festimet kryesore ishin tek Ora Big Ben tek parlamenti britanik në qendër të Londrës.

Një nga vendet e para që ka pritur Vitin e Ri ka qenë Austrialia.

Mirëpo vendet e para që kanë festuar kanë qenë vendet e Pacifikut duke përshirë, Samoan, Tongan dhe Kiribatin.

XS
SM
MD
LG