Ndërlidhjet

SHBA: Hedhet poshtë akuza për sulm kundër bazës ajrore ruse


Pamje nga baza ajrore ruse Hmeimim në Siri

Pentagoni i ka hedhur poshtë insinuatat ruse se forcat e Shteteve të Bashkuara ishin të involvuara në sulmet me aeroplan pa ekuipazh kundër bazës ajrore të Rusisë dhe kapacitetit detar të saj, në pjesën perëndimore të Sirisë.

Zëdhënësi i marinës amerikane, Adrian Rankine-Galloway, tha mbrëmë se “çfarëdo sugjerimi se Shtetet e Bashkuara ose forcat e koaliconit, kanë luajtur rol në një sulm në bazën ruse, është pa kurrfarë baze në fakte dhe është krejtësisht i papërgjegjshëm”.

Këto komente janë bërë pasi Ministria e mbrojtjes e Rusisë ka theksuar “një koincidencë të çuditshme” e një aeroplani të inteligjencës ushtarake amerikane, qëkishte flturuar mbi Mesdhe, afër bazës ajrore, Hmeimim, dhe kapacitetit detar, Tartus, në momentin e sulmeve.

Kjo deklaratë u bë një ditë pasi Ministria e mbrojtjes e Rusisë tha se 13 aeroplanë pa ekuipazh të armatosur, ishin përdorë për sulm në kapacitetet ruse në Hmeimim dhe Tartus, gjatë natës më 5 dhe 6 janar.

Observatori sirian për të drejtat e njeriut, me seli në Londër, që i ka vëzhguesit në terren në Siri, pat njoftuar se sulmet ishin kryer nga grupet islamike kryengritëse, që operojnë në provincën Latakia, ku gjendet baza Hmeimim, ka raportuar agjencia AP.

XS
SM
MD
LG