Ministri i Jashtëm i Kosovës, Behgjet Pacolli, ka njoftuar përmes rrjetit social Facebook se Barbadosi e ka njohur Kosovën si shtet.
"Në vigjilen e festës së madhe të pavarësisë, ja edhe një njohje nga shteti i Barbadosit, Urime Kosovë e dashur!!", thuhet në postimin e tij.
Pacolli ka postuar edhe dokumentin zyrtar ku njoftohet për një gjë të tillë.
Një njoftim vjen vetëm disa ditë para shënimit të 10-vjetorit të pavarësisë së Kosovës.
Autoritetet shtetërore kanë paralajmëruar një varg aktivitetesh për të shënuar jubileun e pavarësisë.
Me Barbadosin në listë, shtetësia e Kosovës njihet nga 116 vende në botë.
