Ndërlidhjet

BE shpreson se kontesti i emrit të Maqedonisë do të zgjidhet deri në qershor


BULGARIA -- EU Enlargement Commissioner Johannes Hahn speaks to the press on arrival to the second day of the Informal Meeting of EU Foreign Affairs Ministers (Gymnich) in Sofia, February 16, 2018

Komisionari për zgjerim i Bashkimit Evropian, Johannes Hahn, tha se BE-ja është “shumë e bindur” se kontesti 27-vjeçar mbi emrin e Maqedonisë do të zgjidhet deri në fund të qershorit.

Ai i bëri këto komente në Sofje, ku u zhvillua një takim i ministrave të Jashtëm të BE-së dhe i homologëve të tyre nga vendet kandidate për anëtarësim në bllok.

I pyetur nëse kontesti i emrit midis Maqedonisë dhe Greqisë mund të zgjidhet gjatë kryesimit të BE-së nga Bullgaria – mandat që përfundon në muajin qershor – Hahn tha se “është shumë i bindur për këtë”.

Greqia refuzon ta njohë Maqedoninë me këtë emër, duke thënë se një gjë e tillë sugjeron se Shkupi ka pretendime territoriale ndaj një rajoni verior të Greqisë, i cili po ashtu quhet Maqedoni.

Bisedimet për zgjidhjen e mosmarrëveshjes janë intensifikuar javëve të fundit.

Lexoni edhe këtë:

Optimizëm se çështja e emrit zgjidhet brenda tre muajve

XS
SM
MD
LG