Ndërlidhjet

Lajm i jashtëzakonshëm

SHBA: Dy ekstremistë janë vrarë nga sulmet ajrore në Somali


Ilustrim

Ushtria amerikane ka bërë të ditur se ka vrarë dy ekstremistë dhe ka plagosur një tjetër në një sulm ajror kundër luftëtarëve të grupit al-Shabab në Somali.

Në një deklaratë nga Komanda e SHBA-së në Afrikën e Jugut thuhet se sulmi ajror është kryer të hënën pranë Jilibit në rajonin e Jubas.

Shtetet e Bashkuara kanë kryer një numër të madh të sulmeve me dron në koordinim me qeverinë e Somalisë.

Shumica e sulmeve janë kryer kundër grupit al-Shabab, por një numër i vogël i tyre kanë shënjestruar luftëtarët besnikë të grupit militant Shteti Islamik në rajonin e Puntlandit.

Sulmi i së hënës, është sulmi i gjashtë ajror kundër luftëtarëve ekstremistë islamikë deri më tani.

Ushtria amerikane njoftoi edhe për dy sulme javën e kaluar.

Shtetet e Bashkuara kryen më shumë se 30 sulme me raketa vitin e kaluar në Somali, pasi presidenti Donald Trump aprovoi zgjerimin e përpjekjeve ushtarake.

XS
SM
MD
LG