Ndërlidhjet

Dënohet personi i parë në hetimet Trump-Rusi


Alex van der Zwaan duke shkuar në gjykatë në Uashington.
Alex van der Zwaan duke shkuar në gjykatë në Uashington.

Avokati holandez, Alex van der Zwaan, është personi i parë që është burgosur në kuadër të hetimeve të FBI-së për bashkëpunimin e supozuar të ekipit të fushatës së Trumpit dhe Rusisë, raporton BBC.

Avokati 33 vjeçar është dërnuar dhe 30 ditë burgim për deklarata të rrejshme përballë hetuesve sa i përket kontakteve me ish-ndihmësin e Trumpit, Rick Gates.

Ai e ka pranuar fajësinë në muajin shkurt.

Van der Zwaan është dhëndrri i një prej personave më të pasur në Rusi ndërsa ka qenë personi i 19-të në listë për t’u akuzuar nga këshilltari special, Robert Mueller.

Në padinë kundër avokatit nuk është përmendur fushata e vitit 2016.

Trump nuk është akuzuar për ndonjë keqbërje.

Në muajin mars, Shtetet e Bashkuara u kanë vënë sanksione 18 rusëve, duke përfshirë 13 persona që janë akuzuar në hetimet e Muellerit, lidhur me ndërhyrjet e vitit 2016 dhe sulmet e supozuara kibernetike.

Van der Zwaan është gjobitur po ashtu me 20,000 dollarë dhe është dënuar me dy muaj lirim të mbikqyrur.

XS
SM
MD
LG