Ndërlidhjet

Lajm i jashtëzakonshëm

Rasti Skripal: Ende nuk është identifikuar burimi i saktë i agjentit nervor


Zyrtaret policore duke ruajtur zonën para shtëpisë së ish-spiunit rus, Sergei Skripal në Sallsbëri.

Udhëheqësi i laboratorit të mbrojtjes, Porton Down ka njoftuar se ende nuk dihet për burimin e saktë të agjentit nervor që është përdorur për helmimin e ish-spiunit rus, Sergei Skripal dhe vajzës së tij Yulia.

Institucioni kërkimor që ka identifikuar substancën në Sallsbëri si Noviçok, ka thënë se i njëjti ka shumë mundësi që është vendosur nga një “subjekt shtetëror”.

Shefi ekzekutiv, Gary Aitkenhead ka hedhur poshtë akuzat se agjenti ka mundësi të ketë ardhur nga ndonjë laborator ushtarak në Britani.

Moska në anën tjetër kundërshton çdo përfshirje.

“Ne nuk kemi identifikuar burimin e saktë, mirëpo kemi ofruar të dhëna shkencore te qeveria, të cilat janë përdorur së bashku me të dhëna të tjera për të arritur deri te përfundimet”, ka thënë Aitkenhead për Sky News.

“Është detyra jonë që të ofrojmë të dhëna shkencore për atë se me çfarë lloji të agjentit kemi të bëjmë, ne e kemi identifikuar se i përket kategorisë ushtarake, mirëpo nuk është puna jonë të tregojmë se ku është prodhuar”.

Të padëshiruarit
Ju lutem të prisni
Embed

No media source currently available

0:00 0:09:12 0:00

Sergei Skripal dhe vajza e tij Yulia janë sulmuar me agjent nervor më 4 mars në Sallsbëri në Britani.

Zyrtarët shëndetësorë kanë njoftuar se gjendja e vajzës së ish-spiunit është përmirësuar derisa Sergei Skripal vazhdon të jetë në gjendje kritike.

XS
SM
MD
LG