Presidenti i Kosovës, Hashim Thaçi, ka dekoruar ish-kryetarin e Federatës së Futbollit të Kosovës, Fadil Vokrri me Medaljen Presidenciale Jubilare të Dhjetëvjetorit të Pavarësisë.
Teksa ua ka dorëzuar dekoratën bashkëshortes dhe dy djemve të Vokrrit, Thaçi ka vlerësuar kontributin e të ndjerit për promovimin e sportit kosovar në botë si dhe për anëtarësimin në UEFA dhe FIFA.
“Aty ku ishte Fadili, ishte fytyra e Kosovës. Të gjithë jemi të pikëlluar me vdekjen e Fadilit, por në të njëjtën kohë jemi krenarë për rolin e tij historik në promovimin e Kosovës në botë”, është shprehur Thaçi.
Vokrri, 57-vjeç, pas një karriere të bujshme si futbollist ishte zgjedhur në krye të FFK-së në vitin 2008.