Sulmet vetëvrasëse në jug të Sirisë lanë të vrarë së paku 50 njerëz.
Sipas medias shtetërore dhe grupeve monitoruese, sulmet ndodhën në dhe përreth qytetit Suvedia, i cili kontrollohet nga forcat qeveritare.
Për këtë dhunë u fajësua grupi militant Shteti Islamik.
Forcat pro-qeveritare po i luftojnë militantët në lindje të Suvedias.
Me ndihmën e Rusisë, Qeveria siriane ka rikthyer kontrollin e një pjese të madhe të Sirisë jugore, në muajt e fundit.
Vëzhguesi Sirian i të Drejtave të Njeriut, grup që monitoron luftën në Siri, tha se së paku 32 luftëtarë pro-qeveritarë dhe 22 civilë janë vrarë në dhunën e së mërkurës.
Kryetari i Vëzhguesit, Rami Abdel Rahman, tha se mbi 20 militantë të Shtetit Islamik janë vrarë po ashtu.