Ndërlidhjet

Rohani nuk iu përgjigjet "kërcënimeve të zbrazëta" të Trumpit


Presidenti i Iranit, Hassan Rohani.

Presidenti i Iranit, Hassan Rohani, tha se nuk e ndjen të nevojshme të përgjigjet ndaj, siç u shpreh, "kërcënimeve të zbrazëta" nga presidenti amerikan, Donald Trump.

"Nuk ka nevojë të përgjigjemi në komente absurde. Duhet të përgjigjemi me veprime", i tha Rohani kabinetit të tij, raporton agjencia iraniane e lajmeve IRNA.

Ai i bëri këto deklarata si reagim ndaj një postimi të Trumpit në Twitter, më 22 korrik, ku presidenti amerikan ka kërcënuar Iranin me, siç ka thënë, pasoja që pak kush në histori i ka vuajtur.

Megjithatë, dy ditë më vonë, Trump ka thënë se Shtetet e Bashkuara janë të gatshme për të negociuar marrëveshje të re bërthamore me Teheranin.

Trump, në muajin maj, e ka tërhequr SHBA-në nga marrëveshja bërthamore e vitit 2015 dhe ka rikthyer sanksionet kundër Iranit.

Trump e ka cilësuar atë marrëveshje si "katastrofë".

XS
SM
MD
LG