Ndërlidhjet

Vdiq presidenti i Vjetnamit


Tran Dai Quang

Media shtetërore e Vjetnamit njoftoi se presidenti i këtij vendi, Tran Dai Quang, ka vdekur në moshën 61-vjeçare pas një sëmundjeje serioze.

"Presidenti Tran Dai vdiq më 21 shtator në spitalin ushtarak", raportoi Agjencia e Lajmeve në Vjetnam.

Quang ka pasur kryesisht rol ceremonial si president, pasi kryeministri dhe udhëheqësi i Partisë Komuniste mbajnë shumicën e pushtetit.

Ai është betuar si president në vitin 2016, pasi është zgjedhur nga Partia Komuniste pa opozitë.

Quang ka shërbyer më herët si ministër i Sigurisë Publike.

XS
SM
MD
LG