Ndërlidhjet

FBI ka zgjeruar hetimet me dëshmitaren e dytë ndaj Kavanaugh


Agjentët e Byrosë Federale të Intelegjencës, FBI, që po hetojnë të nominuarin e Gjykatës Supreme në SHBA, Brett Kavanaugh, kanë kontaktuar me dëshmitaren e dytë që ka ngritur akuza ndaj tij për ngacmim seksual.

Në njoftimin nga avokati i Deborah Ramirez, theksohet se hetimi i FBI do të shkojë përtej akuzave të veçanta ndaj Kavanaugh nga gjyqtarja e Apelit Dr. Christine Blasey Ford, e cila në një dëgjim të Senatit deklaroi se Kavanaugh ka tentuar ta dhunojë në vitin 1982.

Gjyqtarja Ford gjatë dëshmisë para Senatit për sulm seksual nga Kavanaugh
Gjyqtarja Ford gjatë dëshmisë para Senatit për sulm seksual nga Kavanaugh

Kavanaugh ka kundërshtuar akuzat e gjyqtares Ford dhe dëshmitares së dytë Ramirez.

“Mund të konfirmojmë se zonja Ramirez ka pranuar të bashkëpunojë në hetim", raportuan autoritetet.

Presidenti amerikan Donald Trump, i cili kishte shprehur mbështetje ndaj të nominuarit për Gjykatën Supreme, nga presioni në Senat ka urdhëruar të zhvillohen hetime nga FBI.

Gjykatësit e Supremes emërohen me mandat të përjetshëm, çfarë do të thotë shumë më gjatë se maksimumi i dy mandateve katërvjeçare që kanë presidentët amerikanë.

Kandidati aktual, 53-vjeçari Kavanaugh, mund të zhvendosë balancën në anën e konservatorëve dhe në këtë mënyrë të krijojë ligjet më të rëndësishme shtetërore për dekadat që vijnë.

Lexoni edhe këtë:

Gjykatësi që mund të formësojë Gjykatën Supreme dhe Amerikën në dekadat e ardhshme

XS
SM
MD
LG