Ndërlidhjet

Administrata e Trumpit anulon projektin e shndërrimit të plutonit në termocentral


Administrata e Trumpit, këtë javë ka mbyllur një kontratë për projektin e shndërrimit të elementit kimik pluton në energji nga periudha e bombave të Luftës së Ftohtë, që do të kushtonte miliarda dollarë.

Konsorciumi CB&I Areva MOX Services LLC, që përfshin kompaninë shtetërore franceze Orano, të njohur si Areva, ka qenë në proces të ndërtimit të projektit në lumin Savana në Karolinën jugore që nga viti 2007.

Por, Administrata e Sigurisë Bërthamore në SHBA, përmes një njoftimi ka theksuar se projekti ka marrë fund.

“Ky njoftim anulon kontratën në tërësi dhe hyn në fuqi menjëherë”, thuhet në njoftim.

Ky vendim vjen një ditë pas gjykimit nga Gjykata e Apelit në SHBA, rreth planit të departamentit të energjisë për të mbyllur termocentralin MOX.

Politikanët e Karolinës kanë mbrojtur këtë termocental duke theksuar se kjo do të ndihmonte që plutoni të qëndronte larg duarve të militantëve dhe do të sillte 600 vende të reja pune.

Futja nën tokë e plutonit do të kushtonte rreth 20 miliardë dollar për dy dekadat e ardhshme. Kundërshtuesit e këtij projekti deklaruan se “taksapaguesit mund të flejnë të qetë për shkak se paratë e tyre nuk do të shpenzohen për një gropë të quajtur MOX”.

XS
SM
MD
LG