Zgjedhjet presidenciale në Afganistan, të planifikuara të mbahen në prill, do të shtyhen për disa muaj, në mënyrë që t'i jepet kohë rregullimit të disa problemeve teknike që u paraqiten gjatë zgjedhjeve parlamentare të tetorit, thanë zyrtarët afgan.
“Duhet më shumë kohë për të verifikuar listat e votimit dhe për të trajnuar personelin” tha Abdul Aziz Ibrahimi, zëdhënës i Komisionit të Pavarur zgjedhor.
Zgjedhjet parlamentare ishin të “çrregulluara” pasi anëtarët e stafit të komisionit zgjedhor, të trajnuar për sistemin biometrik, nuk u paraqitën në qendrat e votimit dhe si pasojë një numër i madh i votuesve të regjistruar nuk i gjetën emrat e tyre në listat e votimit.
Zgjedhjet e fundit presidenciale në Afganistan, të mbajtura në vitin 2014, u karakterizuan me polemika dhe pretendime për mashtrim zgjedhor. Dy kandidatët kryesorë, Ashraf Ghani dhe Abdullah Abdullah, zhvilluan një betejë të pasigurtë zgjedhore.
Para se të shpallen rezultatet e rundit të dytë, Abdullah tha se ka pasur mashtrime të mëdha zgjedhore si dhe paralajmëroi protesta masive.