Ndërlidhjet

Një gjeneral në Venezuelë mbështet Guaidon


Presidenti i vetëshpallur i Venezuelës, Juan Guaido
Presidenti i vetëshpallur i Venezuelës, Juan Guaido

Një gjeneral në Venezuelë ka shprehur mbështetjen e tij për liderin opozitar, Juan Guaido.

Gjenerali Francisco Yanez, komandant i forcave ajrore, u ka bërë thirrje forcave të armatosura që t’i kundërvihen presidentit Nicolas Maduro.

“Nëntëdhjetë për qind e forcave të armatosura të Venezuelës nuk janë me diktatorin, ata janë me popullin e Venezuelës”, tha Yanez, në një video që është shpërndarë sot në rrjetin social Twitter.

Ndërkaq, në llogarinë e tij në Twitter, komandanti më i lartë i forcave ajrore e ka akuzuar gjeneralin Yanez për tradhti.

Yanez është gjenerali i parë venezuelian që njeh Guaidon, që prej se ai u vetëshpall president më 23 janar.

Uashingtoni e ka njohur Guaidon si president legjitim të Venezuelës.

Disa shtete anëtare të Bashkimit Evropian pritet që javën e ardhshme ta njohin zyrtarisht Guaidon si president.

XS
SM
MD
LG