Ndërlidhjet

Ambasadori i Kosovës viziton Tomor Morinën në burgun e Shkupit


Pamje nga Shkupi.

Ambasadori i Kosovës në Maqedoninë e Veriut, Gjergj Dedaj, ka vizituar të martën në Shkup, ish-ushtarin e Ushtrisë Çlirimtare të Kosovës, Tomor Morina.

Ai është arrestuar nga policia maqedonase më 24 korrik, bazuar në një fletarrest të INTERPOL-it, të lëshuar me kërkesë të Serbisë.

“Tomori ishte shumë mirë, i qetë, ndihej plotësisht i pafajshëm, dinjitoz si dhe optimist, në pritje të lirimit, ngase drejtësia është në anën e tij dhe presim që shumë shpejt, do të kthehet në familjen e tij dhe në Kosovë!”, ka thënë Dedaj në një postim në rrjetin social, Facebook.

Një ditë më parë, ministria e Drejtësisë e Maqedonisë së Veriut, i ka dorëzuar Gjykatës Themelore “Shkupi1” kërkesën e Serbisë, për ekstradimin e Morinës.

Morina, që aktualisht gjendet në burgun e Shkupit, dyshohet nga ana e autoriteteve të Serbisë se para 20 vjetëve, ka kryer krime kundër popullatës civile në Kosovë.

XS
SM
MD
LG