Ndërlidhjet

Putin dhe Erdogan inagurojnë gazjellësin Rrjedha Turke


Projekti i tubacionit të gazit Rrjedha Turke.

Presidenti i Turqisë, Reccep Tayip Erdogan dhe homologu i tij rus, Vladimir Putin, kanë inaguruar gazsjellësin Rrjedha Turke, që do të hapë një rrugë të re eksporti për gazin rus në Turqi dhe Evropë.

Gazsjellësi është një shenjë e "bashkëveprimit dhe bashkëpunimit për të mirën e popullit tonë dhe njerëzve të Evropës dhe gjithë botës", tha Putin në ceremoninë e inaugurimit.

Presidenti turk Reccep Tayyip Erdogan, ka kohë që kërkon të kthejë vendin e tij në një qendër energjetike.

Rrjedha Turke është një projekt që është zhvilluar në pesë vitet e kaluara dhe ka një kosto prej afro 8 miliardë dollarë.

Gazsjellësi do të transportojë gaz rus në Turqi, me gjysmën e vëllimit që rrjedh më tej në Ballkan dhe Evropën Qendrore, përfshirë Bullgarinë, Serbinë dhe Hungarinë.

Projekti është pjesë e qëllimit afatgjatë të Rusisë për të zvogëluar ose përfunduar tranzitin e gazit përmes Ukrainës.

Putin udhëtoi në Turqi nga Siria kur zhvilloi bisedime me presidentin sirian Bashar al-Asad.

Në ceremoninë në Stamboll, do të marrë pjesë edhe presidenti serb, Aleksandar Vuçiq, ka njoftuar kabineti i tij.

Gjatë vizitës, Vuçiq do të takohet me presidentin turk Erdogan, atë rus Putin dhe kryeministrin bullgar Boyko Borisov.

Ky tubacion është pasardhësi i projektit të tubacionit Rrjedha Jugore, ndërtimi i të cilit u braktis nga Rusia në dhjetor të vitit 2014 sepse nuk mund të respektonte rregullat e Bashkimit Evropian, sipas të cilave një kompani nuk mund të zotërojë si gazin ashtu edhe tubacionin.

Tubacioni i ri i gazit ka ngritur shqetësime në Komunitetin e Energjisë pasi Agjensia e Energjisë e Serbisë lëshoi një vendim përfundimtar më 5 mars 2019, duke përjashtuar tubacionin e ri nga rregullat e BE-së dhe duke mos përmbushur të gjitha kushtet e përcaktuara nga Komuniteti i Energjisë si një organ rregullator evropian.

XS
SM
MD
LG