Ndërlidhjet

Kurti: Thaçi do të njoftohet kur VV dhe LDK të jenë gati


Kryetari i Lëvizjes Vetëvendosje, Albin Kurti.

Kryetari i Lëvizjes Vetëvendosje, Albin Kurti, në një përgjigje me shkrim drejtuar presidentit të Kosovës, Hashim Thaçi, kërkoi që të mos bëhet presion për emrin e mandatarit për kryeministër të ardhshëm të Kosovës.

Letra vjen disa ditë pasi presidenti Thaçi, për të evituar, siç është thënë, vonesat rreth formimit të qeverisë së re, i ka kërkuar Kurtit emrin e mandatarit për postin e kryeministrit.

"Kushtetuta e Kosovës nuk i njeh presidentit diskrecion e as rol aktiv në procesin e caktimit të mandatarit apo edhe të garantimit të një shumice parlamentare për zgjedhjen e qeverisë në kuvend".

"Ju lusim që të mos bëni vlerësime politike dhe presion përmes paragjykimit të procesit politik të formimit të qeverisë", thuhet në letrën e Kurtit.

Ai theksoi se partia e tij dhe Lidhja Demokratike e Kosovës janë në fazën e finalizimit të marrëveshjes dhe se do ta njoftojnë presidentin kur të jenë gati.

Vetëvendosje ka dalë e para në zgjedhjet e 6 tetorit, ndërsa LDK-ja pas saj.

Negociata për formimin e koalicionit qeverisës janë zhvilluar që nga certifikimi i rezultateve, por ende pa marrëveshje.

Ambasadat e vendeve perëndimore në Kosovë në vazhdimësi kanë bërë thirrje për formimin e institucioneve të reja.

Lexoni edhe këtë:

XS
SM
MD
LG