Ndërlidhjet

Thaçi dhe Vuçiq në Shtëpinë e Bardhë


Presidenti i Kosovës, Hashim Thaçi (djathtas) dhe ai i Serbisë, Aleksandar Vuçiq.

Zëri i Amerikës mëson se presidenti i Kosovës, Hashim Thaçi dhe ai i Serbisë, Aleksandar Vuçiq, po takohen aktualisht në Shtëpinë e Bardhë.

Tani për tani nuk është e qartë se në çfarë formati po takohen ata, por më herët ishte paralajmëruar që presidenti serb do të pritej nga këshilltari i Sigurisë Kombëtare, Robert O’Brien.

Të dy presidentët ndodhen në Shtetet e Bashkuara në vizita të ndara, gjatë të cilave zyrtarët amerikanë kanë kërkuar që të dyja palët të ndërmarrin veprime që sigurojnë rifillimin e bisedimeve për normalizimin e marrëdhënieve ndërmjet tyre.

Zyrtarët amerikanë po i kërkojnë Kosovës që të heqë tarifat e vendosura në nëntor të vitit 2018 ndaj mallrave serbe, ndërsa Beogradit i kanë kërkuar t’i japë fund fushatës për tërheqjen e njohjeve të pavarësisë së Kosovës.

Brenda më pak se një muaji, Shtetet e Bashkuara siguruan dy marrëveshje ndërmjet palëve për vendosjen e linjës ajrore, asaj hekurudhore dhe ndërtimin e autostradave ndërmjet të dyja vendeve.

Lexoni edhe këtë:

SHBA-ja dhe BE-ja me qëndrime të ndryshme rreth masave të Kurtit

XS
SM
MD
LG