Ndërlidhjet

Hyseni: Grenell dhe Shtëpia e Bardhë kërkojnë me ngulm heqjen e tarifës


Skender Hyseni
Skender Hyseni

Zyrtari i Lidhjes Demokratike të Kosovës, Skender Hyseni, ka thënë se Shtëpia e Bardhë dhe ambasadori, Richard Grenell, kërkojnë me ngulm heqjen e tarifës ndaj mallrave serbe.

Hyseni ka njoftuar se është takuar në Uashington, me të dërguarin presidencial për bisedimet midis Kosovës dhe Serbisë, ambasadorin, Richard Grenell.

“Amerika nuk mund ta mbrojë Kosovën nga vetvetja, përkatësisht nga sjelljet e papërgjegjshme të Qeverisë dhe liderëve të saj, ishte mesazhi i ambasadorit Grenell”, ka cituar Hyseni, fjalët e ambasadorit Grenell.

Përmes një postimi në rrjetin social Facebook, Hyseni tha se e ka siguruar ambasadorin Grenell “se LDK-ja mbron qëndrimin që tarifa të hiqet menjëherë dhe pa kushte, ashtu siç kërkohet nga presidenti amerikan, Donald Trump.

Kryeministri i Kosovës, Albin Kurti, më 27 shkurt pati propozuar që më 15 mars të hiqet tarifa për lëndën e parë që importohet nga Serbia dhe Bosnjë e Hercegovina, si "shenjë e vullnetit të mirë" dhe e gatishmërisë “për fillim të zgjidhjes së mirëfilltë të mosmarrëveshjeve ekonomike, tregtare dhe politike me Serbinë”.

Por, propozimi i Kurtit nuk gjeti mbështetjen e Shteteve të Bashkuara të Amerikës e madje as të partnerit të koalicionit qeverisës, Lidhjes Demokratike të Kosovës.

Të martën, senatori amerikan David Perdue, përmes një shkrimi në Twitter ka shkruar se në rast që Kosova nuk e shfuqizon tarifën ndaj Serbisë dhe nuk është e përkushtuar për paqen, atëherë SHBA-ja duhet të rishqyrtojë praninë e saj në Kosovë.

“Për më shumë se dy dekada, forcat amerikane kanë ndihmuar në ruajtjen e paqes mes Kosovës dhe Serbisë. Tani, me përparimin e bërë historik, Kosova duhet të bëjë pjesën e vet dhe të shfuqizojë të gjitha tarifat e vendosura ndaj Serbisë. Nëse Kosova nuk është plotësisht e përkushtuar për paqe, atëherë SHBA. duhet të rishqyrtojë praninë e saj atje”, ka shkruar a senatori Perdue.

Që nga nëntori i vitit 2018, kur u vendos taksa 100 për qind nga Qeveria Haradinaj, Beogradi zyrtar ka refuzuar të vazhdojë dialogun për normalizimin e marrëdhënieve me Kosovën.

XS
SM
MD
LG