Ndërlidhjet

QKUK: Dy pacientë me COVID-19 janë në gjendje kritike


Një punëtor shëndetësor në Qendren Klinike Universitare.

Qendra Klinike Universitare e Kosovës ka njoftuar se në Klinikën Infektive janë hospitalizuar 61 pacientë.

Sipas njoftimit, 47 raste janë me COVID-19, ndërkaq për 10 raste priten rezultatet e mostrave, kurse 4 kanë rezultuar negativ në COVID-19.

Nga këto raste, 41 pacientë janë me gjendje stabile ndërkaq, 4 raste kanë nevojë për oksigjenoterapi dhe përkujdesje intensive.

"Dy pacientë ndodhen në mjekimin intensiv, dhe janë në gjendje të kritike", thuhet në njoftim.

Në Kosovë, deri më tash janë konfirmuar 165 raste me koronavirus, përfshirë këtu edhe 24 pacientët që janë shëruar. Tre persona kanë vdekur.

Nga radhët e komunitetit serb, janë infektuar 33 persona, ndërsa një ka vdekur.

Komuniteti serb i raporton rastet e veta në Serbi.

XS
SM
MD
LG