Ndërlidhjet

Gjykata holandeze ndryshon ligjin për vdekjet me asistencë


Ilustrim.
Ilustrim.

Doktorët në Holandë nuk do të ndiqen penalisht nëse u ndihmojnë pacientëve me demencë që ta përshpejtojnë procesin e vdekjes nëse ata janë pajtuar paraprakisht.

Në të kaluarën, pacientët është dashur që të konfirmojnë kërkesën e tyre.

Mirëpo të martën, Gjykata Supreme e Holandës ka marrë vendim që të mos veprohet më ashtu.

Ky vendim vjen pasi një mjeke është dërguar në gjykatë, meqë i ka ndihmuar në procesin e vdekjes një pacienti me sëmundjen e Alzheimerit, i cili paraprakisht kishte kërkuar me shkrim kryerjen e kësaj procedure.

Prokurorët kanë thënë se mjekja nuk është konsultuar në mënyrë të duhur me pacientin 74-vjeçar.

Mirëpo familja ka përkrahur vendimin e mjekes dhe ajo është shpallur e pafajshme një vit më parë.

Ky është një tjetër vendim shumë i rëndësishëm që ka marrë Holanda.

Ky shtet është kthyer në vendin e parë në botë që ka legalizuar procesin e dhënies së ineksionit vdekjeprurës më 2002.

Për të kryer këtë procedurë, pacientët duhet të përballen me “dhimbje të padurueshme” dhe të paktën dy mjekë duhet të pajtohen për kryerjen e kësaj procedure.

XS
SM
MD
LG