Ndërlidhjet

Kurti dhe Lajçak bisedojnë për dialogun mes Kosovës dhe Serbisë


Kryeministri në detyrë i Kosovës, Albin Kurti.
Kryeministri në detyrë i Kosovës, Albin Kurti.

Kryeministri në detyrë i Kosovë, Albin Kurti ka zhvilluar një bisedë telefonike me Përfaqësuesin e posaçëm të Bashkimit Evropian për dialogun Kosovë-Serbi, Miroslav Lajçak.

Lajçak është emëruar në fillim të muajit prill si i dërguar i posaçëm i BE-së për dialogun Kosovë-Serbi.

Në një komunikatë për media, thuhet se sa i përket dialogut kryeministri në detyrë, Albin Kurti ka përsëritur përkushtimin e tij për një dialog me parime, të përgatitur mirë ku e rëndësishme është përmbajtja e marrëveshjes dhe ku qytetarët janë përfitues të saj,,

Sipas njoftimit për media, Kurti e ka falënderuar Lajçakun për qëndrimin e tij kundër idesë për shkëmbimin e territoreve. Ndërkaq, sa i përket liberalizimit të vizave, Kurti ka kërkuar që BE-ja të marrë një vendim sa më të shpejtë për qytetarët e Kosovës.

Dialogu ndërmjet Kosovës dhe Serbisë është ndërprerë që prej fundit të vitit 2018, kur Qeveria e Kosovës, që atëbotë udhëhiqej nga Ramush Haradinaj vendosi taksën 100 për qind ndaj produkteve të Serbisë dhe Bosnjë e Hercegovinës. Serbia refuzoi t’i rikthehej tavolinës së bisedimeve pa heqjen e taksës.

Qeveria në detyrë e Kosovës, më 1 prill të këtij viti ka hequr taksën 100 për qind dhe ka vendosur masën e reciprocitetit me Serbinë. Ky vendim u mirëprit nga BE-ja, por jo edhe nga Shtetet e Bashkuara, të cilat kërkuan nga Prishtina zyrtare të heqë taksën, por pa vendosur parimin e reciprocitetit.

XS
SM
MD
LG