Ndërlidhjet

Së paku 19 të vdekur nga një shpërthim në Teheran


Televizioni shtetëror iranian paralajmëroi se mund të ketë më shumë shpërthime.

Një shpërthim i fuqishëm në një klinikë mjekësore në Teheran të Iranit ka vrarë të paktën 19 persona dhe plagosur gjashtë të tjerë, raportojnë mediat iraniane.

Prokurori i Teheranit, Ali Alqasimehr, u citua të ketë thënë se shpërthimi ndodhi në qendrën shëndetësore Sina At'har.

Alqasimehr tha se të lënduarit janë transferuar në një spital për trajtim mjekësor.

Zëvendës-guvernatori i Teheranit, Hamidreza Goudarzi, tha për televizionin shtetëror se një rrjedhje nga rezervuarët e gazit mjekësor në ndërtesë, ka qenë shkaku i shpërthimit.

Televizioni Shtetëror i Iranit raportoi se mund të ketë më shumë shpërthime, sepse brenda spitalit ka një numër rezervuarësh të tillë.

XS
SM
MD
LG