Ndërlidhjet

Kosovë: Pesë të vdekur dhe 168 të infektuar me koronavirus


Qendra Klinike Universitare e Kosovës.

Instituti Kombëtar i Shëndetësisë Publike ka njoftuar se gjatë 24 orëve të fundit në Kosovë kanë vdekur edhe 5 pacientë nga sëmundja COVID-19, që e shkakton koronavirusi i ri.

Numri i përgjithshëm i viktimave ka arritur në 144. Një ditë më herët ishte raportuar për 139 vdekje.

Në njoftimin e IKSHPK-së bëhet e ditur se nga 415 mostra të testuara, 168 kanë dalë pozitive në koronavirus. Kjo shifër e rrit numrin e përgjithshëm të të infektuarve në 6.045.

Komuna e Prishtinës vazhdon ta ketë numrin më të lartë të të infektuarve.

Gjatë 24 orëve të fundit janë shëruar edhe 157 pacientë duke e çuar numrin e përgjithshëm të të shëruarve në 3.226.

Raste aktive me koronavirusin e ri aktualisht janë 2.675.

Në Kosovë rastet e para janë shënuar në mesin e muajit mars.

XS
SM
MD
LG