Ndërlidhjet

Gjermania paralajmëron kundër udhëtimit në disa pjesë të Spanjës


Ilustrim.

Ministria e Jashtme e Gjermanisë ka paralajmëruar kundër vizitave të panevojshme në tri rajone të Spanjës.

Në deklaratë janë përmendur, Aragon, Katalonja dhe Navarra, për shkak të siç është thënë “numrit të madh të të infektuarve dhe izolimeve lokale”.

Këto rajone janë përballur së fundmi me rritje të numrit të të prekurve me koronavirus, mirëpo autoritetet spanjolle kanë insistuar se virusi është nën kontroll në shumicën e territorit.

Kjo deklaratë vjen pasi Instituti gjerman, Robert Koch ka thënë se neglizhenca është fajtore për rritje të numrit të rasteve të të infektuarve në Gjermani.

“Zhvillimet e reja në Gjermani më shqetësojnë shumë”, ka thënë udhëheqësi i këtij Instituti, Lothar Wieler.

Numri i rasteve të reja me koronavirus në Gjermani pothuajse është dyfishuar të martën, përkatësisht ka arritur në 633.

Prandaj Instituti që drejton Wieler u ka bërë thirrje njerëzve që të zbatojnë rregullat e distancimit fizik.

XS
SM
MD
LG