Ndërlidhjet

Kosovë: 250 raste të reja me COVID-19


Qendra Klinike Universitare e Kosovës
Qendra Klinike Universitare e Kosovës

Në Kosovë janë shënuar edhe 7 vdekje dhe 250 raste të reja me koronavirusin e ri, që e shkakton sëmundjen COVID-19. Njoftimi është bërë të hënën nga ana e Institutit Kombëtar të Shëndetësisë Publike në Kosovë (IKSHPK).

Rezultatet e të infektuarve, janë bazuar në 454 testime që janë kryer gjatë 24 orëve të fundit.

Komuna e Prishtinës prin për numrin e rasteve më gjithsej: 65.

Që nga muaji mars, numri i përgjithshëm i viktimave ka arritur në 256, ndërsa i të infektuarve 9.049.

IKSHPK ka njoftuar se janë shëruar edhe 126 pacientë, duke e çuar numrin e përgjithshëm të të shëruarve në 4.989, kurse numri i rasteve aktive është 3.804.

XS
SM
MD
LG