Ndërlidhjet

Ndikimi i Dua Lipës: Dyfishohen foshnjat me emrin Dua


Dua Lipa
Dua Lipa

Këngëtarja me origjinë nga Kosova, Dua Lipa, dhe aktori i serisë filmike Star Wars, Kylo Ren, kanë qenë në mesin e personaliteteve me ndikimin më të madh te prindërit në Mbretërinë e Bashkuar, gjatë përzgjedhjes së emrave për fëmijët e tyre.

Zyra e Statistikave Kombëtare njoftoi të mërkurën se foshnjat me emrin Dua janë dyfishuar në vitin 2019, krahasuar me vitin 2017, kur këngëtarja ka qenë e para në listën e këngëve më të popullarizuara në Britani.

Sipas të dhënave, 126 fëmijë janë quajtur Dua vitin e kaluar, krahasuar me 63 në vitin 2017.

Popullariteti i Kylos, ndërkaq, është rritur prejse kanë nisur seritë e reja të Star Wars, më 2015.

Që atëherë, numri i djemve me emrin Kylo është rritur nga 10 në 67 në vitin 2019.

Megjithatë, Oliver dhe Olivia mbeten emrat më të populluar në Angli dhe Uells. Mbi 9,000 fëmijëve u janë vënë këta emra më 2019.

XS
SM
MD
LG