Ndërlidhjet

Greqia po bën përpjekje për t'i strehuar migrantët që pësuan nga zjarret


Migrantët pranë strehëzave të shkatërruara nga zjarri në kampin Moria në ishullin Lesbos, Greqi, 9 shtator 2020.

Të enjten, autoritetet greke thanë se po bëjnë përpjekje për t'i strehuar mijëra migrantë të mbetur të pastrehë, në ishullin Lesbos, pasi kampi kryesor u shkatërrua nga zjarret.

Ministria e Migracionit tha se ka dërguar anije për t'i strehuar përkohësisht qindra njerëz.

"Sot do të merren të gjitha veprimet e nevojshme për t'i strehuar menjëherë familjet dhe personat në nevojë", tha ministria.

Zjarri shkatërron kampin e migrantëve në Greqi
Ju lutem të prisni

No media source currently available

0:00 0:01:07 0:00

Masat e autoriteteve greke po zbatohen para vizitës së paralajmëruar të nënpresidentit të Komisionit Evropian, Margaritis Schinas, për t'i inspektuar kushtet në ishull.

Zjarri i parë që shpërtheu të martën vonë në kampin Moria, detyroi mijëra migrantë të largohen në ullishtet përreth.

Ministri i Migracionit në Greqi, Notis Mitarachi, tha se migrantët ishin fajtorë për ndezjen e zjarrit, për shkak të vendosjes së masave të karantinës, pasi 35 njerëz në kamp rezultuan pozitivë për koronavirusin e ri.

Zyrtarët kanë shpallur një emergjencë katër-mujore në Lesbos dhe kanë dërguar polici shtesë në rast të trazirave.

Vendet evropiane nga Gjermania në Norvegji - së bashku me shefat e BE-së janë përgjigjur me oferta ndihme, mes thirrjeve për reforma urgjente të sistemit të azilit të bllokut evropian.

Që kur u bë një nga portat kryesore në Evropë për migrantët dhe azilkërkuesit më 2015, Greqia ka ndërtuar dhjetëra qendra ndalimi në të gjithë vendin.

XS
SM
MD
LG