Ndërlidhjet

Tubim mbështetjeje për Trumpin në Uashington


Protesta në mbështetje të presidentit Trump në Uashington.
Protesta në mbështetje të presidentit Trump në Uashington.

Mijëra mbështetës të presidentit amerikan, Donald Trump, po mblidhen në Uashington për të shprehur përkrahje ndaj pretendimeve të tij - deri më tash të pabazuara - për mashtrim të votuesve në zgjedhjet presidenciale të 3 nëntorit.

Grupet e ekstremit të djathtë dhe anti-qeveritar duke përfshirë “Proud Boys” (Djemtë Krenarë), Oath Keepers dhe QAnon e kanë konfirmuar pjesëmarrjen në protesta, raporton BBC.

Një numër demostratash janë planifikuar të zhvillohen gjatë ditës, një prej tyre e titulluar “Një Milion për MAGA” (fraza e presidentit: E bëjmë Amerikën Përsëri të Madhërishme); një demonstrim i “Grave për Trumpin” si dhe një protestë me titullin “Mjaft me Vjedhje”.

Sa larg mund të shkojë Trump?
Ju lutem prisni

No media source currently available

0:00 0:11:14 0:00

Tubimet e së shtunës janë reklamuar nga figura të medias konservatore si dhe organizata të nacionalistëve të bardhë dhe pritet të përballen nga demonstrata rivale me protestues të grupeve anti-raciste dhe organizatave të majta, transmeton Zëri i Amerikës.

Organizata e ekstremit të djathtë “Proud Boys” (Djemtë Krenarë) tha se disa anëtarë të saj do të marrin pjesë dhe se Alex Jones, personalitet mediatik i portalit me teori konspirative “Infowars” do të kryesojë një autokolonë nga Teksasi që do të marrë pjesë në demonstrimin “Mjaft me Vjedhje”.

Të premten, presidenti komentoi në Twitter: “Të ngrohet zemra kur sheh një mbështetje të jashtëzakonshme, sidomos me tubimet që po organizohen në të gjithë vendin, përfshirë demonstrimet e mëdha në Uashington të shtunën. Ndoshta do të dal t’i përshëndes”.

Sipas mediave amerikane, demokrati Joe Biden i ka fituar zgjedhjet e 3 nëntorit. Biden ka kaluar pragun prej 270 votash sa i duhen një kandidati në Kolegjin Zgjedhor.

Megjithatë Trump, deri më tash, nuk e ka pranuar humbjen. Ai ka nisur një sfidë ligjore në disa shtete dhe ka bërë akuza të pabazuara për mashtrim të gjerë zgjedhor - por përpjekjet e tij deri më tani kanë qenë të pasuksesshme.

XS
SM
MD
LG