Ndërlidhjet

Mustafa: Më mirë të gjejmë zgjidhje për presidentin sesa të shkojmë në zgjedhje


Kryetari i Lidhjes Demokratike të Kosovës, Isa Mustafa.
Kryetari i Lidhjes Demokratike të Kosovës, Isa Mustafa.

Kryetari i Lidhjes Demokratike të Kosovës, Isa Mustafa ka thënë të martën para mediave se në fillim të dhjetorit apo në ditët në vijim pritet të organizojë një takim me subjektet tjera politike për të diskutuar çështjen e presidentit.

“Sipas opinionit tonë është më mirë që çështja të zgjidhet tani sesa të shkojmë në zgjedhje dhe ta përsërisim edhe një herë situatën e njëjtë”, ka deklaruar Mustafa.

Ai nuk ka pranuar të komentojë pyetjet nëse kryetari i Aleancës për Ardhmërinë e Kosovës, Ramush Haradinaj do të jetë kandidat për president.

Hashim Thaçi ka dhënë dorëheqje nga pozita e presidentit të Kosovës në fillim të muajit nëntor, pas aktakuzës që i është konfirmuar në Gjykatën Speciale, me seli në Hagë.

Aktualisht pozitën e presidentit e ushtron kryetarja e Kuvendit të Kosovës, Vjosa Osmani.

Sipas Kushtetutës së Kosovës, nenit 90, në rast se Presidenti i Republikës së Kosovës përkohësisht nuk është i aftë për të përmbushur përgjegjësitë e tij, ai mund t’ia kalojë vullnetarisht detyrat e postit të tij Kryetarit të Kuvendit, i cili do të jetë ushtrues i detyrës së Presidentit të Republikës së Kosovës.

Sipas Kushtetutës, posti i ushtruesit të detyrës së Presidentit, nuk mund të ushtrohet për një periudhë më të gjatë se gjashtë muaj.

XS
SM
MD
LG