A. Ross Johnson, ish-drejtor i Radios Evropa e Lirë dhe studiues në Qendrën Wilson në Uashington, ka vdekur më 6 shkurt.
Pjesën më të madhe të karrierës së tij, Johnson e ka kaluar në Radion Evropa e Lirë.
Nga viti 1988 deri më 2002, ai ka qenë pjesë e menaxhmentit ekzekutiv, si drejtor i REL-it, pastaj drejtor i një instituti kërkimor, president i përkohshëm dhe këshilltar i REL-it.
Gjatë punës në Qendrën Wilson, ai ka shkruar raporte të shumta për historinë e REL-it dhe politikën bashkëkohore në Ballkan. Ka organizuar shumë ngjarje dhe konferenca dhe shpesh ka folur në panelet e Qendrës Wilson.
Johnson e ka vizituar shpesh Ballkanin, ku është takuar me udhëheqës të shumtë politikë dhe ekspertë.
Ai ka shkruar librin: “Radio Free Europe and Radio Liberty: The CIA Years and Beyond” (Radio Evropa e Lirë dhe Radio Liria: Vitet e CIA-s dhe përtej”.
Libri është botuar në bashkëpunim me Standfort Unviersity Pressom.
Sipas Qendrës Wilson, Johnson ka qenë forca lëvizëse e një konference më 2004, të organizuar nga qendra dhe Instituti Hoover, ku studiuesit ndërkombëtarë dhe ish-zyrtarët qeveritarë kanë diskutuar mbi "ndikimin e transmetimit perëndimor", veçanërisht të Radios Evropa e Lirë, gjatë Luftës së Ftohtë.
Kjo konferencë është hapur nga ish-sekretari amerikan i Shtetit, George Shultz, dhe ish-presidenti çek, Vaclav Havel, të cilët kanë thënë se “ndikimi dhe domethënia e REL-it ka qenë e madhe dhe e thellë”.
Johnson gjithashtu ka mbrojtur deklasifikimin e dokumenteve amerikane nga CIA (Agjencia Qendrore Amerikane e Inteligjencës) dhe agjencitë e tjera qeveritare, në lidhje me historinë e Radios Evropa e Lirë.