Raportet nga Libia flasin për largimin e luftëtarëve rebelë nga Ras Lanufi, pasi trupat e Muamer Gadafit ripushtuan qytetin strategjik të rafinerisë së naftës me tanke dhe artileri.
Një korrespondent i AFP-së tha se kryengritësit e opozitës janë larguar nga pozicionet e tyre drejt qytetit Ukajka, rreth 20 kilometra në lindje të Ras Lanufit.
Presidenti amerikan, Barak Obama, tha se Uashingtoni nuk e ka përjashtuar mundësinë e armatosjes së rebelëve.
“Nuk e përjashtoj si mundësi, por as nuk po e përfshij si të tillë. Ne ende jemi duke bërë vlerësimet për ato që po bëjnë forcat e Gadafit”, tha presidenti amerikan për televizionin NBC.
Një gjë të tillë nuk e ka hedhur poshtë as kryeministri britanik, Dejvid Kameron.
“Embargoja e armëve zbatohet në tërë territorin e Libisë. Por, në të njëjtën kohë, Rezoluta 1973 e Këshillit të Sigurimit lejon të gjitha masat e nevojshme për të mbrojtur civilët dhe zonat e popullura me civilë”.
“Nga pikëpamja jonë, kjo nuk e përjashton domosdoshmërisht dhënien e asistencës atyre që mbrojnë civilët në rrethana të caktuara. Pra, siç e kam thënë edhe më herët, ne nuk e përjashtojmë si mundësi, por nuk kemi marrë vendim për të bërë një gjë të tillë”, u tha Kameron ligjvënësve në Londër.
Të martën, aleatët perëndimorë janë dakorduar për ngritjen e një grupi të kontaktit, i cili do të udhëheqë përpjekjet ndërkombëtare për stabilizimin e Libisë. (v.t.)
Një korrespondent i AFP-së tha se kryengritësit e opozitës janë larguar nga pozicionet e tyre drejt qytetit Ukajka, rreth 20 kilometra në lindje të Ras Lanufit.
Presidenti amerikan, Barak Obama, tha se Uashingtoni nuk e ka përjashtuar mundësinë e armatosjes së rebelëve.
“Nuk e përjashtoj si mundësi, por as nuk po e përfshij si të tillë. Ne ende jemi duke bërë vlerësimet për ato që po bëjnë forcat e Gadafit”, tha presidenti amerikan për televizionin NBC.
Një gjë të tillë nuk e ka hedhur poshtë as kryeministri britanik, Dejvid Kameron.
“Embargoja e armëve zbatohet në tërë territorin e Libisë. Por, në të njëjtën kohë, Rezoluta 1973 e Këshillit të Sigurimit lejon të gjitha masat e nevojshme për të mbrojtur civilët dhe zonat e popullura me civilë”.
“Nga pikëpamja jonë, kjo nuk e përjashton domosdoshmërisht dhënien e asistencës atyre që mbrojnë civilët në rrethana të caktuara. Pra, siç e kam thënë edhe më herët, ne nuk e përjashtojmë si mundësi, por nuk kemi marrë vendim për të bërë një gjë të tillë”, u tha Kameron ligjvënësve në Londër.
Të martën, aleatët perëndimorë janë dakorduar për ngritjen e një grupi të kontaktit, i cili do të udhëheqë përpjekjet ndërkombëtare për stabilizimin e Libisë. (v.t.)