Ministri i Jashtëm i Libisë, Musa Kusa ndodhet në Britani dhe "nuk është më i gatshëm" të punojë për regjimin e liderit Moamer Gadafi.
Zyra e jashtme britanike tha se ai mbërriti në aeroportin afër Londrës të mërkurën.
Raportohet se ai ka biseduar disa orë me zyrtarët britanikë.
Dezertimi i tij vjen në kohën kur kryengritësit në Libi po tërhiqen nga bastionet që i mbanin përgjatë brigjeve lindore pas avancimit të trupave besnike të Gadafit, teksa fuqitë botërore po e konsiderojnë armatimin e forcave rebele.
Besnikët e Gadafit të mbështetur nga tankset dhe artileria arritën dje në paralagjet e qytetit Axhdabia, 160 km në lindje të Bengazit, pasi i ripushtuan qytetet Ras Lanuf, Ukajla dhe Brega.
Kundërofenziva e fundit e Gadafit erdhi një ditë pasi kryengritësit avancuan 100 km në lindje të qytetit Sirte, vendlindjen e udhëheqësit libian.
Në perëndim të vendit, besnikët e Gadafit ende e mbajnë të rrethuar qytetin Misrata.
Shtetet e Bashkuara dhe Britania e Madhe nuk e kanë përjashtuar mundësinë e armatosjes së kryengritësve.
Shtetet e Bashkuara shfaqën dyshime për emërimin e ish ministrit të jashtëm të Nikaraguas, si i dërguar i Libisë në Kombet e Bashkuara.
Nikaragua tha se Miguel D'Esoto do ta përfaqësojë Libinë në organizatën botërore.
Ambasadorja amerikane në OKB, Suzan Rajs, tha se D'Esoto ndodhet në SHBA me vizë turistike, e cila "nuk i lejon të përfaqësojë asnjë vend në Kombet e Bashkuara".
Shumica e diplomatëve në misionin libian, përfshirë ambasadorin dhe zëvendësin e tij, braktisën regjimin e Moamer Gadafit dhe mbajtën anën e kryengritësve.(v.p.)
Zyra e jashtme britanike tha se ai mbërriti në aeroportin afër Londrës të mërkurën.
Raportohet se ai ka biseduar disa orë me zyrtarët britanikë.
Dezertimi i tij vjen në kohën kur kryengritësit në Libi po tërhiqen nga bastionet që i mbanin përgjatë brigjeve lindore pas avancimit të trupave besnike të Gadafit, teksa fuqitë botërore po e konsiderojnë armatimin e forcave rebele.
Besnikët e Gadafit të mbështetur nga tankset dhe artileria arritën dje në paralagjet e qytetit Axhdabia, 160 km në lindje të Bengazit, pasi i ripushtuan qytetet Ras Lanuf, Ukajla dhe Brega.
Kundërofenziva e fundit e Gadafit erdhi një ditë pasi kryengritësit avancuan 100 km në lindje të qytetit Sirte, vendlindjen e udhëheqësit libian.
Në perëndim të vendit, besnikët e Gadafit ende e mbajnë të rrethuar qytetin Misrata.
Shtetet e Bashkuara dhe Britania e Madhe nuk e kanë përjashtuar mundësinë e armatosjes së kryengritësve.
Shtetet e Bashkuara shfaqën dyshime për emërimin e ish ministrit të jashtëm të Nikaraguas, si i dërguar i Libisë në Kombet e Bashkuara.
Nikaragua tha se Miguel D'Esoto do ta përfaqësojë Libinë në organizatën botërore.
Ambasadorja amerikane në OKB, Suzan Rajs, tha se D'Esoto ndodhet në SHBA me vizë turistike, e cila "nuk i lejon të përfaqësojë asnjë vend në Kombet e Bashkuara".
Shumica e diplomatëve në misionin libian, përfshirë ambasadorin dhe zëvendësin e tij, braktisën regjimin e Moamer Gadafit dhe mbajtën anën e kryengritësve.(v.p.)