Eksperti i Unionit Demokristian për politikë të Jashtme, Ekart fon Klejden, ka paralajmëruar mundësinë që Gjermania dhe shtetet tjera të Bashkimit Evropian, ta njohin shpalljen e njëanshme të pavarësisë së Kosovës, duke shtuar se nuk mundet më që nga këto vende të pritet se do ta mbështesin status quo-n. Në intervistën dhënë radios gjermane, Fon Kleiden ka shtuar se, megjithatë, Gjermania pret që misioni i Treshes ndërmjetësuese të jetë i suksesshëm dhe do të jetë e mundshme që serbët dhe shqiptarët të gjejnë një zgjidhje të pranueshme për të dyja palët.
