Kryeministri i Turqisë, Recep Tayyip Erdogan, ka deklaruar sot se do të kërkojë nga Shtetet e Bashkuara që të ndërmarrin hapa urgjentë për ndalimin e aktiviteteve të rebelëve kurdë në Irak. Erdogan do të takohet me presidentin amerikan, George Bush, më 5 nëntor, takim për të cilin besohet se do të jetë vendimtar, nëse Turqia do t’i bëjë realitet kërcënimet për invadim të trupave të saj në Irakun verior, në përpjekje për të shkatërruar bazat e rebelëve kurdë në Irak.
