Shtëpia e Bardhë ka refuzuar raportin vlerësues të Kongresit, i cili thotë se shpenzimet e luftës në Irak dhe Afganistan arrijnë shumën 1.6 trilion dollarë. Zëdhënësja e Shtëpisë së Bardhë, Dana Perino, ka thënë se raporti është përpiluar nga demokratët dhe ka ngjyrim politik. Në anën tjetër, senatori Harry Reid ka përdorur raportin si shkas për të kritikuar presidentin Bush për strategjinë e tij të luftës. “Nëse presidenti Bush vazhdon në rrugën e tij dhe nëse ne nuk i tërheqim trupat tona, shuma e përgjithshme e shpenzimeve të luftës mund të arrijë në 3. 5 trilionë dollarë, në dekadën e ardhshme. Ne, si demokratë, do të përpiqemi të bëjmë ç’është e mundur që ky trend të ndërpritet", ka thënë Harry Reid.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
