Të gjitha masat e qeverisë dhe planet aksionale, që përgatiten në rast se shqiptarët shpallin pavarësinë e njëanshme të Kosovës, kanë për qëllim që Serbia të tregojë në vepër se pavarësia e njëanshme është e barazvlefshme me zero, ka thënë kryeministri serb, Vojisllav Koshtunica. "E gjithë Serbia duhet fuqimisht dhe në mënyrë unike të tregojë se për ne nuk ekziston kjo krijesë e paligjshme, dhe se Kosova është pjesë përbërëse dhe e pandashme e territorit të Serbisë", tha ai. Koshtunica ka thënë se qeveria e Serbisë menjëherë do t'i anulojë të gjitha vendimet e njëanshme të shqiptarëve, dhe ka shtuar se për të gjitha institucionet shtetërore, serbët e Kosovës gjithmonë do të jenë qytetarë të barabartë të Serbisë.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
