WASHINGTON

Kryeministri izraelit Ehud Olmert dhe presidenti i autoritetit palestinez Mahmud Abaz kanë rënë dakord për fillimin e negociatave në dhjetor të këtij viti. Negociatat që synojnë krijimin e shtetit palestinez do të përfundojnë në fund te vitit 2008.
Kjo u bë e ditur nga presidenti amerikan George Bush në hapje të konferencës ndërkombëtare për Lindjen e Mesme në Anapolis të SHBA-ve.
"Ne jemi këtu për të vënë bazat e një shteti të ri; të shtetit demokratik palestinez që do jetojë për bri Izraelit në siguri dhe paqe. Ne po takohemi ti japim fund dhunës që ka qënë armiku real i aspiratave të të dy popujve" tha Bush në hapje të konferencës.
Në konferencë marrin pjesë përfaqësues nga mbi 40 shtete përfshirë edhe 14 qeveri të vendeve arabe.