Rusia duhet ta pranojë realitetin se "Serbia dhe Kosova kurrë nuk do të jenë përsëri një" ose rrezikon jostabilitet atje, tha sekretarja amerikane e shtetit, Condoleezza Rice. "Është fakt se Kosova dhe Serbia kurrë nuk do të jenë një dhe ky është realiteti", tha sekretarjaRice në një intervistë të botuar sot në të përditshmen USA Today. Mëtutje ajo u shprehë se "nëse ju nuk e keni parasysh realitetin, ju vetëm do të shkaktoni pakënaqësi të konsiderueshme dhe jostabilitet të konsiderueshëm" dhe shtoi se "Kosova dhe Serbia duhet të shkojnë kah ardhmëritë e tyre, ardhmëritë e ndara por të ndërlidhura". Për ta arritur këtë "Serbia duhet të ketë perspektivë të fuqishme evropiane" tha Condoleezza Rice. Tash fokusi është në sigurimin se Kosova i plotëson obligimet e veta sipas planit të Ahtisaarit, siç është mbrojtja e të drejtave të minoriteteve dhe të monumenteve fetare, meqë, siç tha zonjaRice, "nuk ekziston asnjë pikë më tepër për negociata të mëtejshme".
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
